عبر الزبير التمسماني كابو الترا هيركوليس الفصيل المشجع لنادي اتحاد طنجة، عن استياءه من الطريقة التي يتم بها تسيير الفريق، خاصة على مستوى رئاسة الشركة الرياضية.
وقال المتحدث ذاته عبر تدوينة له على صفحته بموقع التواصل الاجتماعي “فيسبوك”: ” كونطراطات لي تجدّدوا ن اللاعبين كاملين VRAI، وواجدين محطوطين عند السي رئيس الشركة لي رافض أنه يسنيهم لسبب يعلمه الله وحد، مؤكدا أن الجمع العام لي عاملو العكّاز فالرويضة هو نفس الشخص، وهاد الأمور هي لي غا تخرج على الفرقة فهاد الساعة هادي.
وأضاف: ” بنشريفة، الكياني، الواسطي الحراق الغبرة إلخ لي بصمو على موسم نقولو فالمستوى راه باقيين ولكن تجديد العقود عاكل فاليدّ د السيد لي قلنا”، مستخلصا: “الجهة لي مور عرقلة تثبيت الركائز معروفة، تجديد العقود واقف حتى ترشقلو يسني و ما كاين لي يضغط عليه حيت الجهة الوصية لي ملي سالات البطولة وحنا كا نطبّلو تتحرك كا تقولوم دبرو نراسكوم معاه”.
وتابع: ” الانتدابات ممنوعة، الركائز التجديد ديالوم وتحسين العقود كاين، الإمضاء غائب عند السيد لي كي تصور فالجوائز دالكاف و عندو منصب فالجامعة و بنادم نازل على الجهة الغلط”.
واختتم: ” الاتحاد ضحية للشركة، و بنادم غا يبدا يجبر اسمو مكتوب فالحيوط دالمدينة كي بانلي هو ولي معاه. و شي طبقة لي نازلين على عبد ربّه ما تخافوشي، قريب نهنّيكم من راسي غير رتحو.المهم دابا الفرقة نحافظو عليها حتى يفكّ ربي هاد الخنز لي دايار”.